SORSOGON GOVERNOR RAUL R. LEE AT IBA PA LUSOT SA KASONG GRAFT

Tuluyan ng ibinasura ng Ombudsman ang kasong graft na isinampa kontra kay Sorsogon Gov. Raul Lee at iba pang miyembro ng Sangguniang Panlalawigan maging sa dalawang opisyal ng Land Bank of the Philippines (LBP). /

Ito ay may kinalaman sa kasong isinampa ni dating Board Member Vladimir Frivaldo kung saan maanomalya umano ang P350 million na loan ng lokal na pamahalaan sa nasabing bangko. /

Kasama sa mga inabswelto sa kaso sina Vice Gov. Antonio Escudero, Jr. Board Members Rebecca Aquino, Eric Ravanilla, Angel Escandor, Bernard Hao at Nelson Maraña, presidente ng Liga ng mga Barangay. /

Kabilang din sina dating Board Members Dave Duran at ngayo'y konsehal na, Municipal Mayor ng Prieto-Diaz , Atty. Arnulfo Perete, Patrick Rodrigueza, apo ng gobernador na dati ring presidente ng Sangguniang Kabataan at sina LBP officials Banadict Manzanades at Renato Eje. /

Laman ng reklamo ang umano'y sabwatan nina Lee at mga ito sa pagpasa ng resolusyon at ordinansa na nagbibigay otorisasyon sa gobernador na makapag-loan sa kabila ng kakulangan ng requirments gaya ng pagsasagawa ng public hearing at may paglabag pa umano sa evaluation ng Finance Committee. /

Pero ayon sa desisyon ng Ombudsman, walang sapat na ebidensiya sa kaso kaya ito ibinasura.//

TIKLING BEACH RESORT SA MATNOG PANG NUMBER 3 SA SAMPONG PINAKA MAGAGANDANG BEACHES SA PILIPINAS

Pasok sa pangatlong pwesto ang lalawigan ng sorsogon sa Top ten Secluded Beaches in the Philippines./ Resulta ito ng walang kapagurang pagpapaganda at pag dedevelop ng lalawigan sa mga tourist spot sa sorsogon./

Matatandaan na ang turismo ang siyang pangunahing tinututukan ngayon ng probinsya na pinapangunahan ni Sorsogon Provincial Administrator Robert Bobet Lee Rodrigueza./

Sa pinakahuling report na pinalabas ng http://outoftownblog.com sa sampung mga nakatago o nasa remote area na magagandang paliguan o beaches sa buong pilipinas pang number 3 ang sorsogon kung saan ang Tikling Beach resort na kinaroroonan ng Malarosa Beach resort na matatagpuan sa bayan ng matnog ang napili./

Sa listahan nangunguna ang Calaguas Island sa Camarines Norte pangalawa naman ang Palaui Island sa Cagayan, at ang sorsogon nga ang pangatlo, pang apat Malcapuya Island sa Palawan, panglima Antonia Beach sa Iloilo, pang anim ang Flower Island, sa Palawan, pang pito ang Panampangan Beach sa Tawi-Tawi, pang walo Gota Beach Caramoan cam. Sur, pang siyam ang Bitaog Beach sa Palumbanes Island at pang sampo ang Bakhaw Beach na matatagpuan sa Camotes Island, Cebu./ Samantala ang labis naman na ikatuwa ng turismo ng sorsogon ang nasabing pagkilala ng http://outoftownblog.com sa probinsya ng sorsogon.//

PINAS, TOP 3 SA NAGTATAPON NG PLASTIC NA BASURA

Top 3 ang Pilipinas sa mga coastal countries sa buong mundo na malakas magtapon ng mga plastic na basura laluna sa karagatan. /Ito ay batay sa ulat ng Ecowaste Coalition kung saan top 1 ang China at Top 2 ang Indonesia./

Sa pahayag ni Aileen Lucero ng EcoWaste Coalition, napapanahong higit na palakasin ng pamahalaan ang Zero waste and anti-plastic bag campaign dahil habang patuloy ang pagdami ng populasyon sa ating bansa ay patuloy din ang pagtaas ng dami ng basurang plastic na napupunta sa mga dalampasigan. /

Anya, may 15 taon nang naipatutupad ang Ecological Solid Waste Management Act (RA 9003) pero wala pa ring nangyayaring pagtalima sa mga bagay na nakakaapekto sa kalikasan. /

Sa ginawa nilang paglilinis sa Manila Bay noong 2014 kasama ang Global Alliance for Incinerator Alternatives, Greenpeace at Mother Earth Foundation, nakalimas sila ng 61.9 percent ng mga basura at mula rito ay 23.2 percent ay mga plastic. /Ilang taon na anya nilang ginagawa ang ganitong paglilinis ng karagatan pero taun-taon na lamang ay paulit-ulit at padami ng padami ang mga basurang natatambak sa mga dalampasigan.//

HEIDI MENDOZA, ITINALAGANG OIC SA COA

Itinalagang officer-in-charge ng Commission on Audit (COA) si Commissioner Heidi Mendoza kasunod ng pagreretiro ni Grace Pulido-Tan/

Batay sa resolusyon na inihayag sa pamamagitan ng website ng COA, mananatiling OIC sa COA si Mendoza hangga't hindi pa nakakapagtalaga si Pangulong Noynoy Aquino ng permanenteng tagapamuno sa naturang constitutional body/

Pebrero 2, 2015 nang opisyal na matapos ang pamumuno ni Tan sa ahensiya. /Sa ilalim ng kaniyang termino, nabunyag ang multi-bilyong pork barrel scam na humantong sa pag-aresto at pagkulong sa tatlong senador at ilan pang mga mambabatas. /

Sumikat naman si Mendoza bilang auditor ng COA nang mabunyag sa kaniyang ulat ang kaso ng korapsyon sangkot si dating AFP military comptroller Carlos Garcia. //

8,629 BARANGAY SA PINAS, NAG-AADIK

MAHIGIT 8,000 barangay sa bansa ang sangkot sa iligal na droga, ayon sa ulat kahapon ng umaga (Pebrero 19) ng Philippine Enforcement Agency (PDEA)./

Sinabi ng PDEA, nasa 20.51 porsyento o 8,629 barangay mula sa 42,065 na barangay sa bansa ang may drug-related cases. /Ayon pa rito, sinasabing drug-affected ang isang barangay kung mayroong drug user, pusher, manufacturer, marijuana cultivator at iba pa./

Ang Metro Manila ang may pinakamataas na bilang ng mga barangay na drug-affected na ang ibig-sabihin ay mas maraming indibidwal ang nag-aadik. /

Nagtala ang Metro Manila ng 92.10 porsyento, habang sumunod ang Region 4-A (Southern Tagalog) na may 33.78 porsyento./ Shabu at Marijuana pa rin ang pinaka-inaabusong droga o ang paboritong tangkilikin, ayon pa sa PDEA. /

Naglalaro ang bawat gramo ng shabu sa P2,000 hanggang P10,000 habang P18 hanggang P300 naman ang bawat gramo ng marijuana at depende ito sa lugar. //

LALAWIGAN NG SORSOGON RANK 3 SA OFFICIAL LIST OF NATIONWIDE FISHR TOP 100 MUNICIPALITIES!

Isang karangalan na naman ang natanggap ng lalawigan ng sorsogon matapos itong mahirang na pangatlo sa FishR year-long program ng Bureau of Fisheries and Aquatic Resources (BFAR)./

Matatandaan na ang programang ito ay naka desenyo para ma enhance, ma fast track at makompleto ang mga Municipal Fisherfolk Registry ng mga coastal Local Government Units (LGUs) sa buong pilipinas basado naman ito sa Republic Act 8550./

Isa pa sa layunin nito ay ang madevelop at ma promote ang simplified and standardized national registration system for municipal fisherfolk/ Makuha ang suporta ng lahat mga coastal municipalities and cities to use the standardized registration system./

Samantla, Labis ang katuwaan ni Sorsogon Gov Raul R. Lee sa karangalang ibinigay ng mga mangigisda sa lalawigan , ang mga ganitong uri ng mga pagkilala ay hindi na bago sa lalawigan, ngayong araw tatanggapin din ng probinsya ang parangal na ibibigay ng Dept of Health bilang isa sa sampong probinsya sa buong pilipinas at nag iisa sa bicol region na may pinaka mahusay na pagpapalakad sa hanay ng kalusugan.//

GUBATNON NASUNGKIT ANG UNANG PWESTO SA KATATAPOS LANG NA SCIENCE QUIZ BEE

Labis ngayon ang katuwaan ng mga taga Gubat North Central School Matapos na Masungkit ng kanilang estudyante ang kampeonato sa katatapos lang na science quiz bee sa ginanap na National Science Quest na ginanap sa pasig City noong nakaraang petsa sais ng pebrero./

Sa impormasyong nakalap ng wow patrollers, humigit kumulang sa 40 ang mga naging kalahok na galing pa sa ibat ibang rehiyon ng pilipinas kungsaan ang lalawigan ng sorsogon ang nanguna sa pamamagitan ng kalahok na mula sa bayan ng gubat na si Joel Jetred Duazo./

Hindi naman magkamayaw sa katuwaan ang naging reaksyon ng pamilya duazo dahilan sa natamong tagumpay ng isang grade VI pupil na nagmula pa sa Gubat North Central School./ Samantala ang mga ganitong paranghal ay labis naming ipinagmamalaki ni Sorsogon Gov. Raul R. Lee.//

RETIRADONG PULIS, NAG ALMUSAL NG WALONG NA BALA NG BARIL KAHAPON SA BACON PATAY

Hindi pa man sumasapit ang Friday the 13th kahapon, tila baga Friday the 13th na ang naramdaman ng pamilya corañes kahapon matapos na mautas sa pamamagitan ng bala ang isang retiradong pulis./

Sa impormasyong nakalap ng wow patrollers Agad na binawian ng ang biktimang kinilalang si P/Insp Augurio Corañes matapos itong pagbabarilin ng malapitan ilang metro lang ang layo mula sa kanilang pamamhay./

Ayon sa misis nitong si mrs Juliana Diaz Corañes inakala niyang putok lang rebintador ang sumabog subalit huli na ng malaman niyang mister nya na pala ang pinaputukan ng baril./

Sa inisyal na report, alas-9:40 ng umaga nang bigla na lamang paulanan ng bala ang biktima ng tatlong suspek habang sakay ng motorsiklo Sa ulo napuruhan ang biktima na dahilan din ng agaran nitong kamatayan./

Nakuha sa crime scene ang walong empty shells mula sa cal. 45 pistol./ nakakuha naman ng halagang P6035.00 sa wallet ng biktima na nai turn over naman kaagad sa mga kaanak./ Samantala, Sa ngayon, wala pang malinaw na angulo na nakikita ang mga otoridad sa nasabing pamamaslang.//

BARANAGAY TICOL UMALMA DAHIL SA HINDI NABIGYAN NG SHARE NG EDC

Umalama ang kapitan ng barangay ticol kaugnay ng hindi pagkakasama ng kanilang lugar sa bibigyan ng share mula sa Energy Development Corporation o EDC./

Ayon sa ulat na nakalap ng wow patroller kinukwestyon ni barangay captain Jaso kung bakit ang barangay lamang ng Osiao at Basud ang napabilang sa mabibigyan ng benepisyo ng nasabing corporation./

Dagdag pa rito na sa halip na walong barangay ay dalawa na lamang umano ang mabibigyan./

Sa kabilang dako nais ng kapitan na pag aralan ng city council ang tungkol sa pangyayaring ito./

Samantala may hawak umanong dokumento ang kapitan na magpapakita at magpapatunay na dalawang barangay lamang ang mabibiyayaan ng naturang benepisyo sa operasyon ng nasabing na korporasyon.//

BRGY OSIAO SA BACON, BINISITA NG LOKAL NA PAMAHALAAN NG LUNSOD DAHILAN SA PERWISYONG DULOT NG EDC

Matapos na makarating sa kaalaman ng sanguniang panlungsod ang di umanoy perwisyo ng EDC o Energy Devt Coprporation sa Brgy. Osiao, Bacon District Sorsogon City Agad itong Binisita kahapon ng grupo./

Pinangunahan ni SP Committee on Environment Chair Hon. Roger Jebulan kasama ang SP Committees of Tourism and Agriculture ng lunsod na pinangungunahan naman ni Hon. Ellen Jamisola and Hon. Inigo Destacamento ang personal na bumisita sa naturang lugar upang personal na masaksihan ang nasabing ulat./

Pagdating sa osiao agad na pinulong ng grupo ang mga barangay officials at ang mga resident eng osiaw patungkol sa naturang pangyayari./

Samantala, kasama sa mga bumisita kahapon sa nasabing lugar ang CENRO, CDRRMO at ang ilang mga mamahayag sa sorsogon./ kasalukuyan naming gumagawa ng paraan ang wow smile radio news desk na makuha ang panig ng EDC.//

MYEMBRO NG PHIL ARMY NG HOSTAGE SA PILAR

Sugatan ang dalawang biktima ng i-hostage ng isang di umanoy myembro ng Phil. Army sa bayan ng Pilar kahapon./Ayon impormasyongnakalap ng wow patrollers, myembro umano ng ng Phil Army na nakabase sa 92nd IB sa aroroy Masbate ang nagwala at nang hostage ng mag ina./

Kinilala ang suspek na si PFC joel Magdalena 27anyos at may asawa./ Ayon sa report kasalukuyang dumadaan sa brgy marifosque si P02 Ronel perfecto at ang brgy. tanod na si Arnel Quintana ng mamataan nito ang nagwawalang si Magdalena habang nakatutok ang patalim sa mag ina./

Ayon sa inisyal na imbistigasyon hindi pa malaman kung ano ang naging motibo ng suspetsado sa kanyang pang hohostage./ sa kabilang dako, sinasabing ina atake umano ng deprensya sa pag iisip kung kaya nagawa nitong mang hostage./

Samantala kinilala naman ang biktima na si Grace Manzaneros at ang menor de edad nitong anak./ Agad naming isinigud sa Donsol District hospital ang mga biktima para malapatan ng pangunahing lunas./ inaalam pa kung isang aktibong myembro ng Phil Army ang nang hostage.//

BINATILYO, PATAY MATAPOS PAGBABARILIN NG MGA ARMADONG LALAKI SA BAYAN NG BARCELONA

Patay ang isang binatilyo matapos pagbabarilin ng mga armadaong kalalakihan sa barangay san Antonio sa bayan ng Barcelona dakong ala una ng kahapon ./

Ayon sa nakalap na impormasyon ng wow patrollers dakong ala 1:50 ng hapon kahapon ng makatanggap ang Barcelona MPS ng report mula sa kapitan na si Juan D. Enteria ng nasambit na barangay na may nakitang bangkay sa naturang lugar./

Sa ginawang imbestigasyon ng Barcelona MPS naglalakad umano ang biktima at pagdating nito sa may tapat ng San Antonio High School bigla nalang itong niratrat ng hindi mga nakikilalang mga kalalakihan./

Kinilala ang biktima na si JOMAR FUENTES FULGOSINO, 23 years-old, single, at nakatira sa Bgy Paghaluban, Barcelona Sorsogon./ Samantala, matapos ang naturang pamamaril agad na tumakas ang mga salarin sa may dako ng brgy Sta. Lourdes.//

SORSOGON CITY DIVISION PANGUNGUNAHAN ANG CITY SUMMIT ON SENIOR HIGH SCHOOL NGAYONG ARAW

Umarangkada na kanina ang city summit on senior high school./ Pinagunahan ng dep-ed sorsogon city division sa pamumuno ni socorro dela rosa, schools division superintendent ang “city summit on senior high school”.

Pinasimulan na ito kaninang alas 8:30 ng umaga at magtatapos hanggang hanggang 5:00 ng hapon sa laboure hall ng st. louise de marillac college of sorsogon, burgos st., talisay sorsogon city./

May temang “ shared voices, shared governance and shared commitment for a shared undertaking” ang nasabing aktibidad kung saan inorganisa ng department of education city division at sinuportahan naman ng local na pamahalaan ng syudad ng sorsogon sa pangunguna ni city mayor sally a. lee, internal at external stakeholders, kasama ang dalawang congresista ng probinsya ng sorsogon na sina nanay evie escudero at ding ramos./

Samantala, Inaasahang dadalo sa aktibidad ang ibat ibang ahensya ng pamahalaan, katulad ng barangay officials, city officials, department of education, mga principal sa secondarya at mga negosyante.//

BABAENG 'BUGAW' TIKLO SA ENTRAPMENT NG CIDT AT SCPS

Hindi na nakapalag ang isa umanong babaeng 'bugaw' nang salakayin ng pinagsamang pwersa ng Sorsogon Criminal Investiagation & Detection Team at Sorsogon City Police Station ang bahay ng suspek sa St Rafael Subd., Bgy Pangpang, sa West District dito sa lungsod ng Sorsogon./

Sa isinagawang entrapment ng mga otoridad, naaresto ang isang HEIDE BRIOSO LAVIA, 44 at residente ng Bgy Sirangan at nasagip naman ang 8 mga babaeng nakahanda na sanang e-byahe papuntang munisipyo ng Donsol para 'ibenta' sa mga lokal at banyagang mga turista ng naturang lugar./

Sinasabing ang mga babae ang pinakamatanda ay 36 na taong gulang at ang pinakabata ay 19 na taong gulang naman./

Sa ulat na nakalap ng wow patrol news teamang mga ito umano ay nanggaling sa iba't ibang lugar sa syudad katulad ng Bgy Balogo, Bibincahan, Cabid-an at Bacon District, mayroon din umanong galing sa bayan ng Casiguran./

Narekober naman ng mga otoridad ang mga 'marked money' na isang P500 at 13 pirasong tig-iisang libo./

Ang CIDT Sorsogon at pinangunahan ni PCI Errol garchitorena at ang SCPS naman ay pinangunahan ni PI Joseph Millarez./Samantala, Nasampahan na ang suspetsado ng kasong paglabag sa RA 9208 o Anti-Trafficking in Person Act of 2003.//

REHIYONG BIKOL PWEDENG TAMAAN NG MAGNITUDE 8 NA LINDOL - PHIVOCS

Nagbabala ang Philippine Institute of Volcanology and Seismology sa mga lokal na gobyerno sa buong rehiyon na paghandaan ang posibleng pagtama ng malakas na lindol sa Bikol at kasama na nga dito ang lalawiganng Sorsogon./

Ayon kay Phivolcs Director Renato Solidum na ang Philippine Trench na tumatahak sa kabicolan ay aktibo at pwede itong mag-trigger ng magnitude 8 na lindol sa mga susunod na panahon. /

Dagdag pa ni Solidum na noong taong 2013 ay pinagsabihan na nya sa isang pulong ang mga lokal na opisyales ng rehiyon sa pagtama ng malaks na lindol sa Bikol. /

Matatandaan na noong 2013 ay tumama sa Bohol, Cebu at Central Visayas ang magnitude 7.2 na lindol. Ito ay tinagurian ng Phivolcs na ''deadliest earthquake'' na tumama sa Pilipinas matapos ang 23 taon. /

Noong Lunes ay magnitude 6.2 na lindol ang tumama sa Gigmoto, Catanduanes at Intensity 3 naman sa Bulusan, Sorsogon na naramdaman rin sa syudad at Pto. Diaz./

Samantala, ang paghahanda sa mga ganitong klaseng kalamidad ang pinag hahandaan ng local na pamahalaan ng Sorsogon kaya sa ngayon ay on going ang seminar ng SPDRMO tungkol sa paghahanda kung sakaling may tumamang kalamidad sa sorsogon.//

SORSOGON NAKARANAS NG INTENSITY 3 NA LINDOL KAGABI

IKinagulat ng mga residente ng Sorsogon at ng mga karatig bayan ang pagtama ng lindol kagabing mga alas 11:15./ Ayon sa report magnitude 6.2 na lindol ang mismong tumama din sa Catanduanes kung saan Natukoy ng Phivolcs ang sentro ng lindol sa layong 21 kilometers sa Gigmoto, Catanduanes na may lalim na 10 kilometers./

Ang pagyanig ay tectonic in origin. /Ito ang inihayag ng Philippine Institute of Volcanology and Seismology kasabay ng bagong bulletin kaninang madaling araw. /

Ayon sa Phivolcs naramdaman din ang Intensity III sa Panganiban, Catanduanes, Sorosogon City, at Legazpi City. / Sa Naga City, Camarines Sur ay naramdaman naman ang Intensity II./

Dahil sa inaasahang aftershocks nagpaabiso na ang National Disaster Risk Reduction and Management Council (NDRRMC) sa mga field units at residente na sumunod sa mga alituntunin ng ahensiya kaugnay ng lindol. /

Inaasahan pa rin ng ahensiya ang "zero casualty" matapos tumama ang lindol sa ilang lugar./ Samantala, Alas-3:47 kahapon ay niyanig din ng 4.2 magnitude na lindol ang Catanduanes. //

ATTY LEWIS, MATALINONG HINARAP ANG MGA KATANUNGAN SA KANYANG PAGBISITA SA WOW smile radio

Isang matalino at mahusay na atty. Loida Nicolas Lewis ang nasaksasihan ng mga sorsoganon sa pagbisita nito sa wow smile radio nitong nakaraang lingo./

Isa-isang hinimay ni Atty Lewis ang mga isyung ibinato ni sir Doods Marianito kagaya na lamang ng naging sitwasyon ng SORECO 2 o Sorsogon 2 electric cooperative lalo na ang mga naging kontrobersiya ng Board of directors elections./

Kasama rin sa pinag usapan ang 2016 National and Local Elections lalo na ang kanyang pananaw tungkol sa papalit na presidente ng Pilipinas./ Idinagdag pa ni Atty Lewis na dapat umanong maging matalino ang mga Pilipino sa mga panlilinglang na ginagawa ng mga tsino lalo na pagdating sa pananakop nito sa karagatan ng pilipinas./

Nagpaabot nman ng pakikiramay si Atty Lewis sa sinapit ng fallen 44./ Samantala, pinapurihan ni lewis ang pamamahala ni Gov. Lee at ni Mayor Sally Lee.//

PAGLUSOT SA 3RD READING SA SENADO NG SK ELECTIONS POSTPONEMENT BILL, IKINADISMAYA NG MGA KABATAANG SORSOGANON

Ikinadismaya ng mga kabataang Sorsoganon ang paglusot sa ikatlo at pinal na pagbasa sa senado ng SK Potponement./ Matatandaan na matindi narin ang ginawang sakripisyo ng mga kabataang kandidato sa sorsogon./

Kahapon nga laking pagka dismaya ang naramdaman ng karamihan dahilan sa naka ambang pagkaka antala na naman ng sanguniang kabataang election sa darating na feb 21./

Sa pinaka huling pagmomonitor ng wow smile radio news team, Pinagtibay na ng Senado sa pinal na at pangatlong pagbasa ang panukalang batas na naglalayong ipagpaliban ang February 21 Sangguniang Kabataan elections. /

Batay sa panukala, gagawin na lamang ang halalan sa SK sa darating na Oktubre 2016 kasabay ng barangay elections. / Ani Marcos, ang pagsuspinde ng halalan ay daan upang mapag-ibayo ang reporma na ipatutupad sa SK./

Samantala, wala ng gana ang karamihang kabataang kandidato para sa SK dahilan sa pirma nalang umano ni Pnoy ang hinihintal para maisapinal ang postponement ng SK Election, matatandaan na ilang beses naring naantala ang SK election//

MGA COMMUTERS, HUMIHILING NG PAGBABA NG PAMASAHE

Hiling ng mga commuters sa lungsod ng Sorsogon na ibaba ang pasahe dahil sa naging sunod-sunod din ang pagbaba ng gasolina sa world market./

Ayon sa naging panyam ng mga wow patroller sa isang commuter malaking tulong numano sa kanila ang kahit kaunting bawas sa pasahe./ Dagdag pa niya na mahirap umano sa kagaya niyang kakaunti lang ang kinikita ang mababawasan pa ang kita dahil sa taas ng pamasahe lalo na malayo pa umano ang kanyang pinanggalingan./

Sa kabilang dako May color coding na ngayon ang mga traysikel sa syudad upang madaling matukoy ang mga kolurom na sasakyan./ Ayon kay Victorino ”bitong” Daria City Traffic Consultant mas madali umanong matutukoy ang mga kolurom na traysikel kung may kulay umano ito./

Sa kabilang dako kakaunti pa lang ang napipinhturahan na mga traysikel sa lungsod./

Samantala, sa kaugnay na balita, muli na namang nagbawas ng P.30 kadal litro ang biodiesel ng Flying V. at P.30 diesel per liter sa Petron , P.30 /liter ng PTT Philippines at P.30/liter Shell na naging epektibo kaninang alas 12:01 ng Pebrero 3. / Habang P.30/liter ng diesel na rollback ang ipapatupad ng Phoenix petroleum epektibo alas-6 ng umaga kanina.//

14 na bagong opisyal ng sorsogon city irrigators federation nanumpa sa harap ni city mayor sally a. lee

Nanumpa ang labing apat na bagong opisyal ng sorsogon city irrigators federation inc. sa harap ni city mayor sally a. lee noong nakaraang ika-28 ng enero ng kasalukuyang taon ./ 

Ginanap ang panunumpa sa governor’s training hall, capitol compound, sorsogon city./ Ayon sa alkalde ang paglikha ng naturang kalipunan ng magsasaka ay para mabigyan ng prayoridad ang mga problemang kinakaharap ng mga ito, lalo na kapag may dumarating na bagyo kung saan karamihan sa mga sinasaka ay apektado dahil sa pagkasira ng dam at nakapaligid na kanal./ 

Sa pamamagitan ng federasyon mas mapapadali ang aksyon ng bawat suliranin ng mga asosasyon dahil sa pagkakaroon ng maayos na sistema para dito./ 

Hinamon ng alkalde an mga opisyales sa pamumuno ni ginoong jeoffrey gigantoca na ayusin an pamamalakad ng kalipunan at maging aktibo ang bawat isa na masaiayos ang mga problema ng bawat (asosasyon) sa lungsod ng sorsogon.//

Sabungan sa sitio dinapa,castilla, nilusob ng mga kapulisan

Biglang nabulabog ang mga sabungero matapos itong maaktuhan ng mga otoridad sa sitio dinapa,castilla,sorsogon./ 

Ayon sa nakalap ng mga wow patroller kanya-kanyang takbo ang mga tao sa nasambit na lugar matapos puntiryahin ng mga kabuhanng Castilla Municipal Police Station (MPS) ang naturang sabungan./ 

Nasamsam ng mga otoridad ang mga manok at pera na ipinataya./ Sa kabilang dako, nakatakas naman ang utak ng nasabing sabungan at iba pang mga sabungero./ 

Samantala habang sinusulat ang balitang ito patuloy paring iniimbistigahan ng pulisiya ang naturang pangyayari./ manatiling nakaantabay sa wow smile radio para sa karagdagang update.//