CELSO MINGUEZ COMMAND NG BAGONG HUKBONG BAYAN, INAMIN NA NA SILA ANG MAY KAGAGAWAN SA PAGKAMATAY NI GLEEN LEE SA MAGALLANES

March 11, 2014: MAGALLANES - Hindi na magiging mahirap sa mga otoridad ang pag imbistiga sa pagkakabaril ng dating kagawad ng bayan ng magallanes na kinilala sa pangalang Gleen Lee.

Sa salaysay ng Celso Minguez Command ng Bagong Hukbong bayan sa pamamagitan ng kanilang tagapagsalita na si Ka Samuel Guerrero siy Glen Lee ay napatunayan umanong may sala sa kasong panggagahasa at pagpatay sa pitong-taong gulang na batang babae na si Escarlet Soriano, taga-Sitio Telegrapo, Brgy. Aguada Sur, Magallanes, Sorsogon.

Ayon pa sa nasabing grupo ang pagpaparusa kay Glen Lee ay hustisya para sa inosenteng biktima nito na matagal nang hinahangad ng pamilya ng biktima at mamamayan sa bayan ng Magallanes.

Matatandaan na kahapon ng tanghali mga dakong alas onse y medya ng umaga pinaulanan ng bala ng apat na  kalalakihan na kargado ng m16 ARMALITE sa may parte ng brgy. Bulala sa bayan ng  magallanes  habang ito ay sakay ng motorsiklo, maswerte naman at hindi nadamay ang angkas nito na kinilala naman sa pangalang wilfredo mella.

Written by: Wow Patrol #1 Bonn Laureta Habal