DALAWA SA MGA SUSPEK SA PAGPATAY KY DELOS ANGELES KINASUHAN NA NG MURDER

Tuluyan na ngang isinampa sa City Prosecutors Office ang kaso kontra sa mga menor de edad na responsable sa pananaksak-patay kay Christian De los Angeles, school principal ng Ticol Elementary School dito sa lungsod. Kahapon mga dakong alas nueve ng umaga ng dalhin sa Bulwagan ng Katarungan ang nasabing mga suspetsado para sa inquest proceedings habang nakabantay ang mga tauhan ng Sor. City Police Station at mga magulang ng mga menor de edad na suspetsado. Ayon sa report dalawa lang sa mga suspek ang tuluyanng nasampahan ng kasong murder dahilan sa ito ang itinuturong responsable sa pananaksak sa biktima habang ang ibang akusado ay nadamay lamang at ito na ang nagselbing mga testigo. Matatandaan na bago nangyari ang krimen nagkaroon muna umano ng komprontasyon sa pagitan ng mga suspek at ni De los Angeles na nagresulta sa pananaksak sa biktima na ikinahulog nito sa kanal saka iniwan ng mga suspek. Bukod sa murder nahaharap din ang dalawa sa paglabag sa Omnibus Election Code particular na ang possesion of deadly weapons dahilan sa election time ng magyari ang nasabing krimen. Samantala nasa pangangalaga na ngayon ng City Social Welfare and Development Office ang mga suspek. LIKE US ON FACEBOOK https://www.facebook.com/WOWsorsogon