PAGSASABING TOP RANK OFFICIALS NG NPA ANG NAPAPATAY NG MGA MILITAR ISA LANG UMANONG RAKET NG PHIL ARMY AYON SA CMC

SORSOGON - Isang pasabog sa ngayon ang pinalabas ng Rebeldeng New Peoples Army sa pamamagitan ng Celso Minguez Command o CMC na malaking raket lang daw umano ng mga militar ang pagsasabing matataas na opisyal ang kanilang napapatay kahit na hindi naman./ 

Sa isang artikulo ng Bicol Today.com isinalaysay dito na diumano ayon kay Ka Samuel Guerrero tagapagsalita ng CMC isa lang umano itong raket ng mga sundalo upang makuha ang milyon milyong reward money na nakapatong sa ulo ng mga top rank official  ng NPA./ 

Matatandaan na pinalabas ng Phil Army na isang top-ranking rebel ang kanilang napatay sa enkwentro ng mga sundalo sa bayan ng bulan noong nakaraang  April 27, na kinilalang si “Ka Cenon” na may patong sa ulo na nagkakahalagang 2.5M./ 

Subalit niliwanag ni “Ka Samuel Guerrero” na hindi naman si  “Ka Cenon”, ang napatay ng mga sundalo kundi si Rudy o  “Ka Uno” Gracilla na isa lamang ordinaryong myembro ng NPA./  dinagdag pa ni guerrero na ito umano ang kasalukuyang raket  ng mga military, ang sabihing matataas na opisyal ng NPA ang kanilang napapatay upang makuha lamang ang reward money./ 

Samantala, nito lamang nakaraang lingo ipinagwagwagan ng pamunuan ng Phil Army si “Ka Cenon” ang kanilang napatay at sinasabi pa nitong mismong ang mga opisyales ng barangay ang nagpapatunay na si Ka Cenon nga ito.//